كأنك نويت تذل هالراس أخطيت

ياللي علينا بالمحبه تغليت
يالله توكل رافقتك السلامه

لا تحسبني بتبعك كان صديت
ماأتبعك دام الراس وسطه كرامه

من صد جازيته بصده وصديت
ومن يتبع المقفي يقل احترامه

وكانك نويت تذل هالراس أخطيت
والله لتبطي ماتنزل من مقامه

أنا ترى لاقفيت ...ياهيه اقفيت
ماعاد أرجع لو تقوم القيامة

أنا بشموخي عن غرامك تعليت
ولا خير في حبٍ يذل بغرامه

أنا أعترف إني بحبك تماديت
لكن أموت ولاأبيع الكرامه


وهذا بيت ثاني يقول فيه

الا ياقلب العنا لاتولع بأجنبي
يبتليك الحب ثم تبلش بمفارقه

تحياتي {صقــــ فوق ـــــــر مشراف}