ياقلب لاتشتكي همومك على الناس

ياقلب لاتشكي همومك على الناس
ماكل شخص(ن)يعذرك في مصابك

لاتسكب الدمعه على خد حسـاس
ولا تحرق أوراق الزهر في عتابك

ولا تضيق الصدر المولع بالأنفاس
ولاتقطع عروق(ن)بكت عند بابك

ياقلب والله مابقى بعيني إنعـاس
يومك شكيت الحب محد(ن)درابك

النار ما تحرق سوى رجل من داس
وللي كواه الحب يفهـم خطابـك

قبلك شرب مجنون ليله من الكاس
واليوم نفس الكاس تسقى شرابك

ياقلب إعرف معدنك معدن الماس
توفي لحبيب الروح لوهو رمابـك

ياقلب خلك بالشدايد قـوى بـاس
لا تلتفت للجرح لوهـو سطابـك

ياقلب لا تسقي عروقك من الياس
وخل الأمل والصدق دايم زهابـك

مادام طاحت فاسك اليوم بالـراس
أعذر جميع الناس وإخفي عذابـك

تحياتي /{صقـــ فوق ــــر مشراف}